బాలీవుడ్ బ్యూటీ తెలుగు పలుకులు.. రాజమౌళి కన్ఫార్మ్ చేసినట్లేనా..?

0
34

దర్శకధీరుడు రాజమౌళి తెరకెక్కిస్తున్న ప్రతిష్టాత్మక చిత్రం ”ఆర్.ఆర్.ఆర్”. యంగ్ టైగర్ ఎన్టీఆర్ – మెగా పవర్ స్టార్ రామ్ చరణ్ కలిసి నటిస్తున్న ఈ మల్టీస్టారర్ పై భారీ అంచనాలు నెలకొన్నాయి. ఇక ఈ సినిమాతో బాలీవుడ్ బ్యూటీ ఆలియా భట్ టాలీవుడ్ దక్షిణాదిలో అడుగుపెడుతోంది. చరణ్ కు జోడీగా సీత పాత్రలో ఆమె కనిపించనుంది. ఇప్పటికే విడుదలైన అలియా ఫస్ట్ లుక్ విశేష స్పందన తెచ్చుకుంది. పాన్ ఇండియా స్థాయిలో రూపొందుతున్న ఈ సినిమా కోసం అమ్మడు బాగా కష్టపడుతున్నట్లు ఇప్పటికే చెప్పుకున్నాం. ముఖ్యంగా టాలీవుడ్ పై ఫోకస్ పెట్టిన అలియా.. ‘ఆర్.ఆర్.ఆర్’ తెలుగు వర్షన్ లో తన పాత్రకు తానే స్వయంగా డబ్బింగ్ చెప్పుకోనుందని టాక్ వచ్చింది.

అయితే తాజాగా ‘ఆర్.ఆర్.ఆర్’ చిత్ర బృందం విడుదల చేసిన ఓ వీడియోతో అలియా భట్ తెలుగు డైలాగ్స్ చెప్పనుందని అర్థం అవుతోంది. కోవిడ్ సెకండ్ వేవ్ పరిస్థితులను వివరిస్తూ రాజమౌళి అండ్ టీమ్ ఓ వీడియో ద్వారా ప్రజలకు జాగ్రత్తలు తెలియజేసారు. అందరు సెలబ్రిటీల మాదిరిగా సందేశం ఇవ్వకుండా.. అందరూ మాట్లాడుకునేలా మెసేజ్ ఇచ్చాడు జక్కన్న. ఇందులో ఎన్టీఆర్ – చరణ్ – అజయ్ దేవగన్ – అలియా – రాజమౌళి కలిసి వివిధ భాషల్లో మాట్లాడేలా ప్లాన్ చేశారు. అలియా తెలుగులో.. కన్నడలో ఎన్టీఆర్.. తమిళ్ లో చరణ్.. మలయాళంలో రాజమౌళి.. అజయ్ దేవగన్ హిందీలో సందేశం ఇచ్చారు. దీంతో ఇప్పుడు అలియా పలికిన తెలుగు పలుకులు టాక్ ఆఫ్ ది ఇండస్ట్రీ అయ్యాయి.

‘అందరికీ నమస్కారం.. కరోనా సెకండ్ వేవ్ తో దేశంలో  రికార్డ్ స్థాయిలో కేసులు నమోదవుతున్నాయి.. మాస్క్ పెట్టుకుందాం.. వ్యాక్సిన్ వేయించుకుందాం.. మన కోసం’ అంటూ ముంబై బ్యూటీ అలియా భట్ అచ్చ తెలుగులో అందంగా తన సందేశాన్ని వినిపించడం అందరినీ ఆకట్టుకుంది. అదే సమయంలో ‘ఆర్.ఆర్.ఆర్’ సినిమాలో తన పాత్రకు స్వయంగా డబ్బింగ్ చెప్పుకోవటం కన్ఫార్మ్ అనిపిస్తోంది. మరి అమ్మడు సినిమాలో తెలుగు పలుకులు ఎంత ముద్దుగా పలుకుటుందో చూడాలి. ఇకపోతే ఈ వీడియో ద్వారా తారక్ – చరణ్ కూడా ఇతర భాషల్లో డబ్బింగ్ చెప్పనున్నారని అర్థం అవుతోంది.

LEAVE A REPLY

Please enter your comment!
Please enter your name here